Көңүл буруңуздар! Конкурс!
Кыргыз Республикасынын Илим, жогорку билим берүү жана инновациялар министрлигине караштуу Интеллектуалдык менчик мамлекеттик фонду
“Илимдеги, ойлоп табуучулуктагы жана инновациядагы аялдын образы” аталышындагы конкурс жарыялайт!

Конкурстун номинациялары:
1) “Окумуштуу аял”;
2) “Ойлоп табуучу аял”;
3) “Новатор аял”;
4) “Илимдеги кыз-келиндер командасы”;
5) “Мыкты илимий жетекчи аял”
6) “IT илимдеги аял”
7) “Student science” (студенттер үчүн)

Сынактын жеңүүчүлөрү калыстар тобунун мүчөлөрү тарабынан аныкталат:
-“Окумуштуу аял” илимдин өнүгүшүнө маанилүү салым кошкон аялдардын ичинен аныкталат;
– “Ойлоп табуучу аял” ойлоп табуучулук иште чоң ийгиликтерге жетишкен аялдардын ичинен аныкталат (патенти болсо);
– “Новатор аял” инновациялык ишмердүүлүктө чоң ийгиликтерге жетишкен аялдардын ичинен аныкталат;
– “Илимдеги кыз-келиндер командасы” илимдин өнүгүшүнө маанилүү салым кошкон аялдардын командасынан аныкталат;
– “Мыкты илимий жетекчи аял” илимий-изилдөө ишинде чоң ийгиликтерге жетишкен жана илимдин кандидаттары менен докторлорун тарбиялаган аялдардын ичинен аныкталат;
– “IT илиминдеги аял” IT чөйрөсүндө чоң ийгиликтерге жетишкен аялдардын ичинен аныкталат (сайттарды иштеп чыгуу, компьютердик графика жана анимация, ар кандай тармактардагы программалык камсыздоо);
– “Student science” (студенттер үчүн) илимий-изилдөө ишмердүүлүгүндө чоң ийгиликтерге жетишкен студенттердин ичинен аныкталат.

Катышуу үчүн толтурулган өтүнмөнүн формасын, материалдарды жана фотосүрөттү кагаз жана электрондук форматта төмөнкү дарекке жөнөтүү керек: 720020 Бишкек ш., Малдыбаев көч., 34 б, ИМ Мамфонд же электрондук почтага gosfond@ilim.gov.kg, a.sulaymanova@ilim.gov.kg.
Өтүнмө кабыл алуу мөөнөтү 2026-жылдын 30-сентябрына чейин.
Байланыш тел.: (0312) 54-06-54; 0555 421 421